尖沙咀救傷支隊二月會訊

新人事、新開始

今年適逢千禧年，又有四位正義之士將奉獻他們寶貴的時間為「聖約翰救傷隊尖沙咀之友隊」作出服務，將所學用於服務之上的這份精神是值得我們敬佩的。這四位正義之士是Leo、家誠、Sam及Leo，在此希望他們繼續持有一顆熱誠助人的心為救傷隊服務。

馬場更

千禧年首次馬場更已於19/01/00完成了。當晚有高達九成的支隊隊員出席，除舊隊員外，還有兩位新隊員第一次當馬場更，他們都表現得很興奮及好奇，希望下次(26/04/00)馬場更，全部隊員都可以表現得更加好。

尖咀友正式成立-會訊

999火雞紅酒X'MAS Party

相信所有尖沙咀之友一定會記得1999火雞紅酒X'MAS Party,雖然我唔知大家有乜感想,不過我就好難忘.點解!第一,場地就腳,不論返工定返學,遲到定早到,搭巴士抑或地鐵,都話咁快就到,有咁"正"的場,當然由好"正"的權哥一番,大家一定要多謝佢啦! (多謝多謝!) 其次,食物方面,雖然魚翅鮑魚燕窩皆欠奉,但至少火雞紅酒都有,個個都食得飽飽咁走,唔會餓親大家個"五臟廟",而且有一班靚女們親手整的沙律同三文治,就算唔多飽,親切感都搭救啦,right?

講黎講去,至精彩,至難忘的節目,我就話係抽獎,小妹向來無乜抽獎命,次次抽獎抽包尾,就算抽到都唔方好,但係今次轉晒運,d friend擺抽獎飛落我度,差唔多個個中獎,加上禮物仲…hehe…,令我一洗頹氣,哈!哈!哈!哈!…………Anyway,點都好,中獎當然開心,唔中獎千祈唔好失望,下次黎過,唔好以為我講風涼話,此乃經驗之談是也!

一句講晒,呢個Party"正",下刪一千個合理reasons,若果大家想睇番果晚d相,就快d上網入e-circle,嗰度喺TSTAD members 嘅e-mail box, come on, every TSTAD MEMBER!!!

小妹乃 Ka Yee

　

　

　

　

Kerry Fung Birthday露營日

千禧年第二個禮拜六、日(即8/1及9/1),十多位「尖咀友」已整裝待發、浩浩蕩蕩由西貢北潭坳經赤徑闖入咸田灣小山丘作營地,大伙兒在那兩日一夜裏嘗試了不少新鮮刺激的活動,例如荒山野嶺「打邊爐」(當然包括露宿於山野之上),第二日往附近沙幼水清的大灣及咸田灣玩樂,更一嘗坐「大飛」(Roll the boat)到黃石碼頭的滋味,而Kerry更接受到一份由尖咀友獻上的生日禮物----手錶 。

歷奇訓練營

29/1及30/1的歷奇訓練營已順利完成，兩日一夜的訓練中已參與了不少上天下地的活動，一發不可收拾的訓練。

當然我們還會不斷砲製不同款式的活動,總之為求做到次次新款、人人愛好的目標。